حالات و أعراض للمخ و الاعصاب متقلقش و متخوفش
١- لما اسلم على حد باتكهرب 🔌او لما افتح باب تلاجه او امسك مفتاحمتقلقش دي حاجه عاديه نتيجه موجات كهرومغناطيسيه سطحيه و انصح بارتداء ملابس قطنيه افضل من الألياف الصناعيه٢- لما اتعصب او اتوتر جسمي كله يترعش متقلقش دي رعشه عاديه Physiological tremors٣- لما اسند علي مسند او شباك العربيه ايدي و دراعي ينملوا لحد الكوع متقلقش ده نتيجه الضغط علي عصب ماشي تحت الجلد علي طول ورا الكوع Ulnar nerve و هتفك علي طول٤- لما أنام في اول النوم بأحس بنفضه كأني هأقع من علي السريرمتقلقش دي حاجه عاديه اسمها بHypnic jerks Sleep starts٥- بأنسي كتير اوي و باتلخبط في اسامي الناس و انسي حطيت الحاجات فين انا كده عندي زهايمر؟متقلقش الاعراض دي في سن صغير بتحصل نتيجه التوتر و الضغط العصبي لكن في السن الكبير يجب الاهتمام٦- انا لما بأصدع نص وشي و جسمي بينملوا هل دي بوادر جلطه متقلقش دي عرض من اعراض الصداع النصفي و ليست بوادر جلطه Sensory aura٧- بأحس برفه في الجفون و ساعات الوجه و أجزاء متفرقه من الجسم متقلقش دي رفه عاديه غالبا نتيجه الإرهاق والتعب و ساعات بسبب الكافيين الكتير اسمها Physiological fasiculations
